Monday, June 28, 2010

3D 電視

行街見到 3D 電視,看了一會,幾正喎,我覺得很立體。
小時候覺得電視入面有「人」在表演,大大下這感覺而離我而去,當看到3D電視,又有這感覺。
示範畫面是今屆世界盃片段。看著電視,足球場就像在電視框後似的,球員在框後走來走去,很有趣!
我在電影院看過不少戴立體眼鏡看的電影,動畫的會較為立體,真人電影中的CG也較立體,但全真人的畫面,廣角鏡還可,一般鏡位的立體感通都不明顯。但看3D電視我覺得比看電影更立體,可能是因為工作人員已設定了在最佳位置觀看吧,看電影坐前D後D左D右D也會有差別呢。
衰在要戴立體眼鏡,不知幾時會有不用戴眼鏡的3D電視呢?
但有電視又如何?我不相信電視台咁快會轉晒用3D器材拍攝……
應該是主打PS3、Bluray 等市場吧。
提外話,大家都知日本的色情影碟業非常發達吧?原來已經有3D影碟推出!比香港電影業更行先一步。

Sunday, June 20, 2010

唱K

好耐無唱過K,今日去左唱。
應該係 Newway 食左加州紅後第一次去唱K,我們去了銅鑼灣 CEO。印象中以前假日去那兒唱 tea K,七十幾蚊左右便可,今天要 $99,仲要加一!
仲有,竟然無謝安琪!真係無……唱囍帖街的話,唱蘇永康版啦!仲唔覺有李克勤。陳奕迅都排到好後,王祖藍、林峯、黃宗澤等無記小生排得更前。
仲有一欄叫做 TVB K 歌熱唱!真係頂!
商商勾結,加上壟斷市場,威力真係唔野少!

Wednesday, June 16, 2010

Act Now

Act Now

Let A be the set of "Politics", B be the set of "not Act Now", C be the set of "Act Now".

If B is a subset of A, clearly, C intersects A - B.
But, somebody said that C does not intersect A.
Ridiculous! How can it be possible?

The only reason is that, A = B, so A - B is an empty set.
But, nobody will agree that A = B.

算吧啦,因為「Act」,這個情況下是解作「扮野」,哈哈哈哈哈)))))))

Monday, June 14, 2010

著數

其實,甚麼是著數?
賬面上看似付出的金額低了,為之著數?恕我不敢苟同。
大家有去過黃金買零件砌電腦嗎?去到黃金格下價,你會發覺不同產品在不同商舖的標價也略有不同。某些舖頭某些產品便宜一點,但另一些又會貴一點。如果你砌一台三千元左右的普通電腦,格勻全場,分開十數間店舖購買所需零件,或許會比你去一間大舖到買齊所有零件便宜一兩百元。
但是,咁樣叫做著數嗎?
你失去的,可能是時間。格勻全場,小則都要一兩小時。
還有,東買一些西買一些,隨時有遺漏,你住黃金樓上就無乜所謂,但大部分人都唔係咁掛。
還有很多風險。例如左一袋右一袋,稍一不慎跌了兩件,得不償件。
當零件有問題,去大舖很快便可以更換,但去細舖,左試右試驚死你呃佢。試過朋友係旺角買電腦零件,有問題我陪佢拿去換,去完旺電仲要指你去金雞到試一大輪,搞餐死煩到嘔先換到,真係頂佢個肺。那件只是百多元的 RAM。
所以我覺得著數,唔係剩係睇賬面個銀碼。你可能唔信自己會咁黑仔,但當你真係黑仔起上來,你要記住當天你無視當中的風險而去擺著數自己犯賤,唔好下下怪別人。
人人都以為自己精甩尾,人人都想自己攞盡著數,如果有「著數守衡定律」,咁「蝕底」發生在哪兒?大家諗一諗。
有時你著數一下,大時人家著數一下,咁樣先會平衡。

Thursday, June 10, 2010

起錨/好矛

近日我覺得香港政府真是有米,為了「起錨」成功,鋪天蓋地的宣傳接踵而來。先有跳舞、新衫,後來變成起錨。
當時我想,電視宣傳是一個有效的方法,為何各政黨、議員,不在電視上搞宣傳呢?
泛民無錢?但民建聯搞少幾次蛇宴都應該夠錢賣廣告吧?
原來,實情是電視、電台不可賣政治宣傳的廣告。
那些廣告不是宣傳?如果是中立,好應該正反兩邊都要提及。
如果一面倒只有好處,社會上也不會出現咁多爭拗。
有團體想給錢電視台播一些另一個角度看政改的廣告,結果電視台不受理。
政府,你好矛喎!

不過今時今日,電視台唔係惡晒,網絡力量也很強勁。又睇下邊個夠矛啦。