死賓佬

賓佬真係好乞人憎，加上我老婆個 PK  賓佬上司，更覺賓佬衰格。

 不過，物必先腐而後蟲生，人必先自侮然後人侮之，唔係我地政府咁，我地要比人蝦到上心口？

甚麼不為個人過失道歉？我頂。你唔出聲，真係承認這是槍手的個人過失？我不敢苟同。槍手如果上左架車，九秒九極速殺晒人質，咁都算。事實擺在眼前，首先點解槍手要脅持人質，唔多唔少係你地賓佬政府的問題。呢個唔當係問題，你話係社會問題，咁都算，但係擺到明三番四次 有機會去救人，而結果救人時雞手鴨腳玻璃窗都扑唔爛，最後攘成今次慘劇，咁呢個唔係你地政府，政府下的警方問題，又會係邊個問題？我真係唔明白。

阿爺出兩句聲，咁又好似著緊D。卑躬屈膝，返到來還大示宣揚做過乜做過物。哈哈，乜真係有做過野嗎？

"I talked to the chief executive of the SAR - I'm sorry and I apologise, the name escapes me at this point in time - wherein he explained their perspectives and I explained our perspectives."

甚麼？SAR，連HKSAR也唔係！人地講到明識你係老鼠！

過了幾日，人家話向當地華商籌錢賠償，我地政府話這算是一個好進展。有無病呀？華東水災日本海嘯，就話籌錢振災。今次你賓佬不道歉，就連賠錢也不是政府出，真係一D責任都無喎！

人家「以華制華」，我不知問當地華人籌錢，係指當地投資的華人，還是當地的賓藉華人，不過無論點都好，你係當地華人立場，點解要負呢個 賠錢的責任？如果係當地賓藉華人更慘，原來入左藉，人家都唔當你係自己人。Anyway，呢個係以華制華的分化華人行動，並不是甚麼好進展。

CY，你口口聲聲愛國，但任由人家魚肉，任由人家分法，你有賓周的話好應該做番D野要賓佬代清楚。

不過作為一個香港人，我唔知對你無期望，我係對你，及你的政府失望。

電視風雲

剛過去的星期日，你有上街遊行嗎？

近年來，很多人都話香港人盲目指稱商人為奸商，真的嗎？發到牌與否，金錢上的既得利益者(如果有得賺的話)，當然是商人的一方。但政府這個決定，在廣大市民眼中並不單純商業考慮，遇到關乎公義的事情，市民還是會走出來。

不是七一這類週年活動，短短數日之內也能激發數萬人上街，CY 會否因而腳痛下台呢？

不過於王維基的角度，一直表現刻制。當然啦，作為商人，得罪政府真係無著數，我們怎樣作「政治」詮釋，他都置身事外，「天真」地認為唔關事，真的嗎？

會否來過反高潮：我‧唔‧玩

不過他也騎虎難下，這樣做市民也不會放過佢，除非，他的 plan B 係天下無敵。

今次3揀2，其實令人忽略了一件事：點解這次免費牌照，不是用大氣電波，而是靠網絡用機頂盒來接收？

一直以來，我也有個疑惑，如果用機頂盒的話，為何要拿取牌照？點解我會咁諗，因為 Apple TV。你買個 Apple TV，也是一個盒仔，你透過這個盒仔買節目。如果免費送出這類盒仔，當中有收費節目，也有不收費節目，這樣更勝於機頂盒的免費電視牌照！

Apple TV 可以係香港賣，點解這類運作模式來做電視不可行？

要取得大氣電波的免費電視牌照，就是要在無線的廣告收入上分一杯，但既然這個免費牌不是大氣電波的牌照，拿來幹甚麼？

電視台出自家機頂盒，電視台作為製作公司提供節目，電視台做埋廣告公司，一條龍式搞掂！
 
其實玩機頂盒，可以更好玩，例如用機頂盒把節目 share 去屋內其他手機、平板電腦，比起你睇無線更方便！亦可透過手機、平板，把機內資料輸出去電視機。從中植入廣告，會否是一大殺著呢？

拿個不是大氣電波的免費電視牌照來幹甚麼？