著數

其實，甚麼是著數？
賬面上看似付出的金額低了，為之著數？恕我不敢苟同。
大家有去過黃金買零件砌電腦嗎？去到黃金格下價，你會發覺不同產品在不同商舖的標價也略有不同。某些舖頭某些產品便宜一點，但另一些又會貴一點。如果你砌一台三千元左右的普通電腦，格勻全場，分開十數間店舖購買所需零件，或許會比你去一間大舖到買齊所有零件便宜一兩百元。
但是，咁樣叫做著數嗎？
你失去的，可能是時間。格勻全場，小則都要一兩小時。
還有，東買一些西買一些，隨時有遺漏，你住黃金樓上就無乜所謂，但大部分人都唔係咁掛。
還有很多風險。例如左一袋右一袋，稍一不慎跌了兩件，得不償件。
當零件有問題，去大舖很快便可以更換，但去細舖，左試右試驚死你呃佢。試過朋友係旺角買電腦零件，有問題我陪佢拿去換，去完旺電仲要指你去金雞到試一大輪，搞餐死煩到嘔先換到，真係頂佢個肺。那件只是百多元的 RAM。
所以我覺得著數，唔係剩係睇賬面個銀碼。你可能唔信自己會咁黑仔，但當你真係黑仔起上來，你要記住當天你無視當中的風險而去擺著數自己犯賤，唔好下下怪別人。

人人都以為自己精甩尾，人人都想自己攞盡著數，如果有「著數守衡定律」，咁「蝕底」發生在哪兒？大家諗一諗。

有時你著數一下，大時人家著數一下，咁樣先會平衡。