扭曲

其實，我算唔算越來越心理不平衡。

以前，港人滯留泰國，澳門派包機去，香港反而沒有，內心不斷咒罵政府，不理市民生死……

現今，英國大風雪，政府研究派包機去，心諗，這個政府有無搞錯？係咪因為有高官子弟滯留英國，不能返來做冬過聖誕，所以就派包機？咁包機除左接班高官子弟、富二代，還會接其他香港人嗎？

一方面，我覺得能讓港人回港與家人團聚，確係好事。但另一方面，我內心確係想著這個政府如何偏幫社會上某些特權階層。小市民的聲音，永遠都只當耳邊風。

點解我會變成咁？這個扭曲的心靈，是如何形成。本性如此？因為這個扭曲的世界？扭曲的社會價值？按適者生存的道理，要活在這個扭曲的社會，必先把自己扭曲？點解有些人可以活得咁好？因為他們有理想？

實在不快樂。