救火英雄

不知由何時開始，我很鍾意看消防員的片集。

小時候，亞視也拍過一套消防為題的電視劇、以前明珠台經常重播的 Backdraft (哈哈，主角好型咁唔駛戴豬咀入火場)、劉青雲的十萬火急、王喜的烈火雄心系列……

2013年年尾有兩套消防電影上映，早前的逃出生天都有觀看的意慾，但得知片中所飾演的不是香港消防員而是內地消防員，觀看意慾大減。

逃出生天，也是合拍片，但都叫做是香港消防員的故事。

大陸的無形有形之手，真是厲害，這套也有不少打入大陸的元素。無啦啦一個體能過人的大陸消防員唔知點解來了香港生活 (優才計劃？？)，又去香港做消防？

發電廠一個操普通話的女職員與上司的對話，真係百感交集，大意如下：

上司：「呢到係香港，唔該你練好d廣東話先同我講野。」
女職員：「你老闆都是內地人，唔該你練好d普通話！」

如果是十年八年前，這段話大家可能當笑話，當場捧腹大笑。但今時今日，在場唔會有人笑得出，大家內心也有條刺。無論你公司老闆係唔係大陸人， 對上阿爺係大陸人，阿爺之手己深入各階層。

諷刺的是，那個香港上司是一條pk，女職員才是忠的。連埋啦個體能過人的大陸消防員，大陸人全是形像美好，香港主角的角色則總有多多少少的缺撼。

撇除呢d野，套戲都ok。有血有肉，技術層面上，這套有樣野以前未聽過，就係「塵爆」，高温環境內的空氣充滿麵粉時會產生爆炸。其他都出過好多次，如用斧頭劈開排氣管道引走濃煙、引起爆炸來炸開牆壁逃生……

雖然唔知點解十萬火急最後劉青雲唔死得，這套謝霆鋒好合理地炸死左，但都覺得十萬火急較好看。可能十萬火急的情較多元化、較強，呢套無乜情。