龍頭

早幾個月前施政報告，特首說甚麼香港要堅定不移咁發展金融，做甚麼國際金融中心喎。
早幾日前，阿爺講明要把上海發展成國際金融中心。
本地一些人士話中國可以容納到兩個國際金融中心喎。你信嗎？
我就唔信。我無乜理據，這方面我的知識真係好薄弱，但見大家成日話美國的金融市場好大好大，都係得紐約一個國際金融中心喎。班友話中國可以容納到兩個，唔知係乜理據，我都想理解下。
阿爺畫公仔唔畫到出腸，只想大家好下台吧，點解仲要咁唔通氣自己扯爛塊面？
金融金融金融，香港地除左金融地產炒賣，真係無野可以搞嗎？之前話搞甚麼物流，又係得個吹字。業界話你要點配合點配合，你唔理。好啦，拉大隊上鹽田算數。
IT？簡直係老吹的表表者。
突然想起 Laughting 哥一句金句：
個天比你行，你先好行；個天唔比你行，你郁都唔好郁呀。
還有另一句：
上帝要你滅亡，必先令你瘋狂。
這兩句對香港實在很貼切。