鹽

今天，大家有去搶鹽嗎？

午飯後，出街逛逛，順道幫同事撲奶粉。行經七仔，聽到有人問：「有無鹽呀？」，店員一副無奈的樣子：「沒有呀。」

頓時，想起了今早看過的一篇新聞。報導說大陸開始搶購食鹽。事緣是害怕日本核電廠的輻射污染海水，稍後便沒有潔淨的海水去晒鹽。看來有人看過這篇報導，一傳十，十傳百，做成恐慌。

我一路撲奶粉，沿路都四圍去便利店、超市八卦一下，果然貨架上空空如也，一袋鹽也沒有。就連貴價的外國鹽也無得剩。

聽到別人怨聲載道，都幾搞笑。某師奶貧怒地說：「搶搶搶，去日本搶啦！」，另一人一副世外高人的口樣子：「有乜好搶，唉……」，還有：「香港人，搞到好似大陸咁。」、「香港，點解會變成咁。」……

哈哈哈，其實聚集在此的，無非都想入下貨，入到貨就自然無聲出，入唔到，唯有係到發牙痕。

我撲了幾間藥房，奶粉也缺貨。最後，碰著某藥房剛到貨，箱還未開，哈哈哈哈，於是大手買入……一罐咁多。這個型號的奶粉，同我最初幫同事買果陣比較，起碼貴了四成，只是一年內的事情罷了，如果人工也有這個加幅就好了。

第一次覺得，原來有東西係比奶粉更難撲，那就是食鹽。

事態發展下去，實在恐怖。傳出了食鹽可以防輻射！！除了搶鹽外，雞粉豉油也去搶。同樣係咸野所以有同樣功效？？

放工再去超市看看，雞粉，沒有了。豉油的貨架也吉吉地。更恐怖的事情，我見到有人搶米！！十袋十袋咁去買，真係咁平嗎？？

令我想起沙士果陣，漂白水口罩也缺貨。謠傳香港會變疫埠後，大家也到超市搶購糧油。

我的心態，天要我亡，那就亡吧。如果真的嚴重到海水蒸發後剩下的鹽也不能吃，我想也沒有甚麼東西可以吃了，那時候，應該吸啖氣也有危險。幾億人陪我付黃泉，有乜好怕？到時大家黃泉路上相會啦~~~~