Dreyer's

小時候，覺得 Dreyer's 雪糕簡直是雪糕之中的極品。家中通常購買牛奶公司家庭裝，因為便宜得多。偶爾特價也會購買 Dreyer's，好明顯食得出是兩個層次。Dreyer's  較為幼滑。

長大後，反而較少購買家庭裝雪糕。

心血來潮，購買了一盒 Dreyer's 雪糕。與廿年前比較，價錢不算貴。記得當年也要三十多元一盒，現今是四十元。哈哈，當年去大家樂食個焗豬扒飯晚餐亦不用 $20，所以覺得雪糕價格真是加幅不大。不過可能來貨平吧？聽朋友講在外國這些名牌雪糕較香港便宜很多，一大筒買回來暢懷大吃十分過癮。

一試這盒 Dreyer's，有無搞錯？口感粗得很，這真是小時候令我回味無窮的 Dreyer's 嗎？我覺得牛奶公司的雪糕杯較這個更為美味。

實在失望，過了數星期，買多盒一試。這次不是買普通系列，而是買 Dreyer's Collection 這個系列，一盒價錢與普通係列相若，四十多元，但份量較普通系列少一半！

這個美味得多，是我印象中的 Dreyer's 口感。果然，既然現在去大家樂食個晚飯的消費已增加一倍至四十元，食雪糕亦應如是吧！

不過實在太誤導。點解唔係出個平價係列，由得普通系列加價？實在可惡。形象問題吧？要 keep 住高級雪糕的形像，又怎能出個平價系列？

哈哈哈，Anyway，四十多元的 Dreyer's Collection，與五十多元的 Hagen Daz，又係明顯地食得出有分別。Hagen Daz 真是貴得有道理，不過太貴了，超出心理關口。留待食自助餐的日子再去一飽口福。