月滿抱西環

哈哈哈，死肥仔，你好無聊呀，又係睇戲。

終於，完完整整把月滿抱西環看了一遍。之前無線播過幾次，但幾次都只是一係看了前面，一係只看了後面，都未完整看過一遍。早陣子見 dvd 賣 $19，買了來看。

先談談港產片「碟」的質素。真不明白，人地外國又係出碟，香港又係出碟，但外國的畫質高很多。香港的 VCD， $13 的還要比西片賣 $19 的差少少，買老翻畫質都好過佢……西片賣 $40 以上的 VCD，畫質比港產片賣 $19 的 DVD 還要好。真不明白，一分錢一分貨？但理論上 DVD 的畫質不是應比 VCD 好嗎？扮 DVD 的 VCD。

這套電影，是乘著當年無線電視劇十月初五的月光當旺而拍吧，還有一套，叫跑馬地的月光。哪套較早？我都忘記了。兩套的第一男女主角都是張智林和佘詩曼吧。 跑馬地的月光我沒有看過，但月滿抱西環很好看。一套很真的電影。各段感情都令人覺得很真。悲傷的，令人心頭不舒服，但不是刻意催淚。甜蜜的，令人覺得溫 馨，但 不是懶係浪漫。