新寫字樓

終於搬了

上星期五，最後一日在柴灣度過。一上班便執呀執，執咁執……執到夜晚七點幾，散晒。

第二日中午又會新寫字樓執野……

好似無放過假咁，星期一便又上班。

上午依然係執野。

新地方離市中心太遠了，好似無啖好食，午飯叫外賣，是附近的飯堂，味道真係很一般……中午和媽媽去入貨，單單步行來回腳程也要 25 分鐘……

越來越覺得我的生活很糜爛……上班下班……

同事們的生活好像都比我有意義……

有拖拍的便去拍下拖……

有老婆老公的要照顧家庭，有仔女的仲要湊埋仔女

高層更要打理公司吧

有的可能讀下書。

以上唯一我可以做到的便是讀下書吧？不過我覺得，花數萬元去，實在是浪費，為的就可能只是那砂紙吧？但真係有心學的話，咁大個人，自己拿本書，所得到的智識一定會比去花那數萬元所得的為多！問題係，我提不起勁去學野……有 d 乜野我係有興趣？有興趣而又可提起精神去學？