老婆大人

近日間中也會收看電視劇老婆大人2。
最近葛國光撞親個腦有瘀血，性情大變，脾氣十分暴躁。遇上一些看不過眼的事情，就會大發雷霆把別人教訓一頓。例如看見別人在公共地方抽煙，就去罵人一頓。隨街丟垃圾的垃圾蟲，當然不放過。排隊打尖？當然不行啦。
但在這個社會，如此直斥其非，當然會遇上不少麻煩，一日內去了幾躺差館……
究竟點解？道理明明係我果邊，明明我是對你是錯，為甚麼指出你的錯反而我要惹上麻煩？
我都想好似葛國光咁，有乜講乜，得唔得罪人完全唔駛理。明明係大是大非，點解要讓步？
道理明明在我手，點解要忍氣吞聲聽你鳩 up。(鳩 up，音「鬥 up」，權威的曾先生在立法會上都咁講，官方話唔係粗口架)
但這個社會就係咁，為左要迎合一些人的需要/方便，就要讓步。
大是大非？傻啦，沒有是非。把它模糊化！
六四無死人
南京大屠殺沒有發生
現在無人信唔緊要，只要不斷重複，在社會上留下這聲音，事實只會越來越模糊。甚至有一天大家也習非成是吧。
迫切？轉移視線吧，有更迫切的事情要做呢。
先救災，後問責。問責？無呀，乜責呀？豆腐渣？在哪兒呀？乜來架？豆腐舖有得賣？多少錢一斤呀？
2012?2017?首要任務是要搞經濟。經濟好果陣搞經濟，經濟差又係搞經濟。
哈哈哈，拖得幾耐得幾耐，過左海就神仙，反正往後也未必要我去理。
不似人話的官話，就是最好聽吧。
明明說得清清楚楚無爭拗，但有人可能係無知可能係別有居心，就是要去拗。說得模棱兩可就最好吧？係咩？我係咁講咩，唔係呀，其實咁即係咁咁咁。留多d空間，A君有A君的詮釋，B君有B君的理解，想點就點，迎合所有人，皆大歡喜。是非對錯？別傻了，觀點與角度jei。
正所謂多做多錯，少做少錯， 跟大圍去做，有錯就齊齊錯。無謂懶有性格。
1905年，同人講質量會隨速度改變，大部份人都會話荒謬。1915年同人講光會走曲線，空間會彎曲，人人都會當你係痴線佬。愛恩斯坦就係這個比人話荒謬的痴線佬。
成日講甚麼創意，發展創意工業，得咩？因為有能力扶助或踩死你的人，根本無這個心態。這個社會沒有這個氣氛。一個死氣沉沉的社會。偶有佳作，但無以為繼。
問題：當「方便」遇上「對錯」這個兩難，大家應走向哪一邊？
老師當然話比你聽是非行先，但其實老師都唔係咁做人。
做學生的，無人話過知識係垂手可得，學唔識難道自己沒有責任？係老師欠左你？入唔到U就係政府欠左你？
做老師的，無人話過傳授知識係一件輕鬆簡單容易的工作，遇上困難的概念就避之則吉任由學生自生自滅？
四圍都係咁，捨難取易，人之常情？
是非？乜野係是非？
做正確的是都要受教訓，這套電視劇真是教壞細佬。
很痛，一刀一刀插入我心，血不斷在流。
怪甚麼？因為我是小賤民，根本沒有質疑的資格。