早晨呀

星期日，我實在很想很想可以睡多一會，無奈六時多便已醒來，係張床到hea下hea下都不能再入睡，七時多便起來。
去了運動場跑了幾個圈。我也忘了上一次跑步是在何時。上星期日病了。再之前，好像連續數個星期日的早上也不好天氣。太耐無跑，今日跑得很差，很辛苦才完成五個圈……失敗。
回家看轟轟戰隊。比上一輯的魔法戰隊好看。但是上一輯魔狼騎士的狼戰凱撒實在很有型！我也有過買下來的衝動。這一輯的機械人實在太核突，勝在夠大堆頭，推出一大堆玩具，做父母的荷包可肉痛？
之後去戲院看了超鼠特工，以為會好好笑，其實都唔係咁好笑。我看廣東話版，D爛gag我真係笑唔出，或者看英語版會好一些。同場很多一家大細去睇，但我也聽唔到小朋友笑……最好笑的位，我已在trailer中看過，再看唔多笑得出。
反而片頭的3D版咖啡貓幾搞笑，唔知幾時上？這是3D動畫版咖啡貓，真是卡通片內的造型，不過變為3D吧！戴著立體眼鏡看真係很3D！記得之前電影版咖啡貓，那隻死肥貓真係好鬼核突，性格都同卡通片唔同。
這套咖啡貓又會是最精采的已經在trailer出現了？
經過多次戴立體眼鏡看電影的經驗，我發覺看這類電影，比平時坐前一些，3D的效果會更好！
想起荃灣開了一間Burger King，於是去醫下肚。多人得很，一個人去快餐店都搵唔到位，算吧，去別處食。香港人講新鮮感，新開張自然多人，之前我去鬧市的Burger King都無這次荃灣般咁好生意。
好無聊，無所事事在條街到遊蕩了數小時，果到行下，果到睇下，在豐澤對住d雪櫃都好細心研究一番，店員以為我是很有意圖朴槌購買的客人……我都幾想買，唔多like屋企個雪櫃，但又未壞算數啦……去了另一間店舖看高清電視，原來價錢都平了不少……又去公園行左一陣，好鬼熱，睇住d汗水一粒一粒咁由毛孔o即出來……好係唔係好耐無試過星期日係荃灣四圍走？今日覺得荃灣有很多菲傭。力生附近全被菲傭佔據了。
突然想起，之前話過想去LOHAS PARK看看有乜咁架勢，忘記了……算啦，夜了，回家起飯。
上班時，很想快d放假。
放假時，我又無所事事唔知為乜。
究竟為乜呢？
因為我是悶蛋？因為我是宅男？
我的人生……
我是一條咸魚。