上星期看電影前，大家一起在青衣城食晚飯。這個時間，青衣城實在多人得很，又不想食Mcdonald等快餐店，於是去了不用等位的扒王之王。
記得多年前，應該是大學畢業前，Final Year Project 的 Presentation 之後，與一大班同學也來過這兒食飯。質素係點實在無乜印象，斷估是不過不失吧，極好或者極差的應該會印象難忘。多年無幫襯，這次就令我印象難忘了。因為實在差劣得很。又一次驗證，不用等位，其實是有原因的。
去到 reception counter，那位看似經理的大叔用訓示式的語氣要大家等一等，然後是命令式指示我們六人就坐。落單時店員態度惡劣。講真，如果去茶餐廳，就算是銀龍、翡翠等貴價茶餐廳，店員用這樣的態度我其實不太介意，但實情是近幾年，以我所見，就連一般平價茶餐廳，店員也不會如此「招呼」客人！想一想，那是扒王之王，還不是普通扒王之王，青衣城那間是較貴價的！一份最 cheap 最 cheap 的扒，計埋加一的話成百元！
我都睇得出店員人數太少，但都無理由對住D客黑面，你要黑面同你老闆黑面啦，又唔係我唔請人令到你做到隻狗咁。又有可能門口個大叔都係咁，都唔可以預期店員有乜服務，上樑不正下樑歪。
當時心想，算啦，或者味道不錯。掙扎緊要不要食一些較好的扒，尤記得兩三年前伯伯推介的窄身厚切確是不錯的，價錢好像是$138。但現今也變成$178。算啦，如果叫了貴扒，加上唔好食，加上服務差，可算是三重打擊，食野也要講心情吧，這樣的店員已令我食慾減去幾成了。叫了最cheap 最 cheap 的一款牛扒算數。
一上菜，確是唔多掂。肉眼扒薄切切，大家樂大快活早餐那塊薄牛扒還為好食！頂！
這間青衣城扒王之王以被大家blacklisted。
要食平價扒，去銀龍、翡翠、大家樂、大快活，甚至求其一家茶餐廳都較為好食，又唔駛睇店員黑面，食起上來也暢快D。要食貴價的，Outback、Ruby Tuesday、Mr Steak 等等好食得多。其實 Mr Steak 最 cheap 那些價錢在一百頭的套餐已好食過扒王窄身厚切。兩百樓上果D扒王簡直無得同人比。Ruby Tuesday、Outback，除了扒好味，配菜都好正。為乜事要來青衣城扒王之王受氣食垃圾？絕對唔會有下次。
下次我們睇戲前食飯，還是預鬆一點時間。同埋做一些功課……原來係openrice，這間扒王的評價簡直是「極品」。
有朋友一肚火，第二日立即在 openrice 上留言：
No comments:
Post a Comment