相熟的朋友都知我想買 Tablet，都講了很耐，但一直也沒有行動，其中一個原因是因為我不鍾意 iPad 系列需要使用 iTune 及不可直接插入電腦當 USB storage 來傳送資料，所以我對 Android 較有興趣 (不過原來也不是所有 Android 機款也可這樣做，最少 Motorola Xoom 是不能的)。iPad 很多地方也有擺放 demo 機，但 Android 的則很少有 demo 機放出來，我又未至於無賴到欺騙售貨員拆部新機給我試完一輪後然後唔買，加上其實並非必需品，所以無就無啦。
早前出到旺角，可能 Tablet 實在大熱，見百老匯也放了 demo 機出來，像手提電腦般放出來供客人摸一摸試一試。哈哈哈，當然要試下。
試了一會(不夠一分鐘)，我身旁站了個售貨員。唔出聲，只是企係到。又無問我有乜事要幫忙，我以為我可能阻住佢拿貨之類，於是便走開。我一走開，他也走開了。
在店內轉了一個圈，眼見那幾部 Android 機無人去試，我又走埋去試下。又試了一會，同一個售貨員又企係我身邊，粒聲唔出，我望望佢，又望望四週，看看是否我阻住其他想試機的客人，又不是，身旁沒有其他客人。看來他是想趕我走，我無理佢繼續試，佢依然企係到。
終於我按奈不住，望住佢，裝傻扮懞，我問佢：「有乜可以幫到你？」，他打左個突啦。
我再問：「不如你幫下我。」
那部機，唔知點解設定了一種怪語言，我懷疑是西班牙文，於是我叫個售貨員幫我轉回英文或中文。
點知……佢都唔識搞。
再問了一連串問題，佢又唔識答。
大佬呀，雖然我知道高登賣平些少，但如果你 serve 得我好好地，即時幫你買真係無乜所謂。
這就是香港的服務業？對答間，我覺得我態度仲好過佢，家下係我賣野定佢賣野呢？有D野其實我網上都聽過下，不過想再問清楚 confirm 下，但佢毫無概念，亦都無意圖叫其他售貨員幫忙解答。沒有態度，沒有專業知識，咁都得？
可能香港的售貨員寵壞了，反正現在不少豪客唔 care 服務態度，放低錢拿拿聲收貨放入行李箱走人。
是我錯，我太挑剔嗎？哈哈哈哈)))))))
結果我當然沒有幫襯便走人啦。無錯，我是來混吉的。
No comments:
Post a Comment