MPF

我實在黑仔。
早幾個月公司的MPF 經紀上來，說甚麼個市好差，以「朋友」的身分奉勸大家「拍一拍岸」。
講真，我又對個市睇得好淡，很多大公司都話唔掂，又話栽員、放無薪價。
於是我把我的MPF組合在這個低位全部由進取轉做保本。
事隔幾個月，恆指又上番兩萬點。
無奈……
我把口在怨，其實心入面都明白唔可以怪個Agent。但事實上內心確是唔舒服，當然不是因為個經紀。
我都唔明點解有這種唔舒服的感覺。
堅持低位繼續進取，認為入多d貨先回到本的人，當然在笑我傻仔吧。
但實際上，誰人眼光獨到？沒有。
我短期睇淡個市，是因為覺得四圍d公司都話唔掂，覺得個市短期都唔會好。
人家睇好個市，可能是因為覺得香港有大陸照住，或者是甚麼低追高賣吧。
其實，我們這些小市民，說到尾都只是憑感覺。沒有甚麼客觀數據可以用作分析，也不懂去分析。
大家也只是傻仔，不過今次我是輸錢的傻仔。
其實我有甚麼可以做呢？真的沒甚麼可以做。分別是沒甚麼可以做之下賺錢定輸錢。
既然唔到我控制，點解還要咁在意？
我這種心態，實在不宜玩股票。