戀愛星語

大家知道地鐵有個叫做「戀愛星語」的活動嗎？
不知道？最近有無見很多人在地鐵部機到排隊？係呀，就是因為戀愛星語這活動。
（你地知道果部機叫乜嗎？叫做「e分鐘著數機」呀）
每天在那部機到o都一o都，就會彈出戀愛星語字條，字條上有一些爛gag ，以及一些優惠。例如去某些車站的單程票一張（全是我不常去的車站：東涌、迪士尼、天水圍、坑口），機鐵半價（已收集好幾張留待去旅行時使用 ^^)，一些 coupon，如零食物語、龍島、bread papa等。
我一直以為應該很多人都知這活動……但近兩個星期都有朋友問我，我才知道原來咁多人唔知……
很好奇點解你地會覺得我會知？因為覺得我好無聊，一定會走去排？還是我個人仲有乜特質令你地覺得我會知？
哈哈哈，我真係咁無聊走去排隊架。我諗有八成的日子我都有去排……
這活動由大年初一2月14日情人節開始，那天我已經開始玩。在活動推出的第一星期，根本不用排隊。到了第二星期，條隊可能有兩三人、三四人啦。到了第三星期，開始要打蛇餅了。
並不是每個地鐵站也有e分鐘著數機的。我常去的葵芳地鐵站有兩台。但到了第三星期開始便壞了一台！排隊情況實在嚴重。一直到前日都未有人修理好。
有同事話係地鐵特登唔去修理，我初初都唔信，慢慢都信了。眼見青衣又係壞了一部，荃灣又係……都係無人修理。要修理，不用十幾日吧？我見過最長籠有成三十人，如果有兩部機，可能會有六十人排隊？到時地鐵站都會很混亂。