張宇人

今天收看城市論壇，看見一名超討厭的零票當選立法會議員－－張宇人。

城市論壇今日討論最低工資。張宇人是代表飲食界的議員，他認為最低工資定為每小時$20是最適合的。當然引來在場不少工人不滿。每小時$20，現時百佳惠康，就連麥記，時薪都不止$20，若真的定為$20，豈不是變相減人工？再者，每小時$20的收入，在香港就算一個人生活也很艱難，若要養父母、養兒女，又怎夠呢？低收入人士放下尊嚴乞求政府立法保障生活，落得如此回應，倒不如乞食再拿綜緩吧！

香港，勞力何價？
張宇人，食屎啦。

最扯火其實都唔係「廿蚊雞」，令我對張宇人更反感的，是他那副咀臉，比曾蔭權更臭寸的咀臉。曾特守，黑面時就黑面到底，擦鞋時擦鞋到底。至於張宇人，大家未看今集城市論壇的真是要快去一看。鏡頭前，張會堆出笑臉，一副慈祥的樣子。鏡頭後，兩邊咀角突然下垂，黑面起來。有幾個 shot 幾搞笑，突然發覺被鏡頭影住，立刻變臉，變成一副笑臉，速度之快相信變臉大師彭登懷也甘拜下風！或許攝影師亦察覺到，於是往後常拍張宇人。通常，攝影師都會把鏡頭對著講者，但這次，竟然不拍台下發言的觀眾，而是拍張宇人。可憐張宇人以為沒有入鏡，堆出個黑臉來，哈哈哈，讓大家可以好好欣賞張的變臉絕技！

既然 cam man 哥哥咁比面你，我都比下面你啦，拿你個名來做標題。有睇這兒的人都知道我無乜用人名來做標題，今次真係好比面。

其實無論支持定反對定下最低工資的，都有不少膠論。例如李卓人話定為$33，只是影響原本時薪低於$33的人士，涉及金額佔營運成本的很少數。真的嗎？假設你係某公司做左10年，人工有$x。較低的職位，人工$(x-10)。如果最低工資，定為$x，或者$(x-1)、$(x-2)，而原本人工是$x的你，人工依然是$x，你會點睇？答案大家心知肚明啦。

我唔認為定立了最低工資可以保障到工人，主要是因為香港的老闆太涼薄，少了一份情，少了一份感激之情。無論定為多少，佢總有法子解決吧。大家都加人工，咁咪加價LOR，哈哈哈）））又或者請少D人啦，大家樂麥記無人執枱，大家自己搞掂，好似外國咁。

記得沙士時，個竟真係好差。一句「共度時艱」，很多人減薪、無薪上班、加班無補水。班老闆見到你地咁都捱到，漸漸就加班當例牌，加班無補水係天經地義！有些公司，入職薪金越來越低，假期越來越少，我阿媽做果到甚至現在連有醫生紙拿病假都要扣人工（以前唔駛）！

香港D商人好識做生意GEI。幼稚園學券，咁幼稚園咪去加價LOR ，有了學券，家長又會選一些更貴更好的，可憐一些小規模幼稚園做唔住要執笠。偏遠地區交通津貼，咁那幾條隧道又加價，哈哈哈哈）））））

人工加得快定通脹快？人工減得快定通縮快？每個轉變，結果都會成為商人賺大錢的藉口。
三四年前，過年鞋舖特價，我去買鞋用兩百幾三百蚊。現在差不多款色，同是春節特價，竟然要五六百蚊。但我的人工同三四年前比並沒有 double……你地有邊個的人工同三四年前比有 double???

無用，唔代表乜都唔做。唔做，只會比人肆無忌彈。相信李卓人都心裏有數啦，都要諗定後路繼續抗戰。

好諷刺，係香港努力同回報不成正比。或者咁講，努力的不是要努力工作，而是應該努力炒樓炒股票。但收入低的，又如何炒？係香港注定一世窮？？

等政府打救？不如買下六合彩，下期頭獎六千幾萬呀！記住去買啦。

工作了幾年，但一真沒有買股票（其實都唔係，有買強積金，強積金仲係蝕緊錢，仆佢個街）。這一份堅持，很戇鳩？理智上不斷告訴自己，係香港，你唔投資，只會越來越窮！但情感上，我實在唔想咁樣去賺錢。這份堅持，會崩遺嗎？我不知道。

還要堅守自己的一套？還要相信自己的信念？究竟我行的一條路，會找到光明的出口嗎？理智上告訴我……不會。

實在戇鳩！！！