我沒有買 iphone4 ……對我來說做電話我嫌太大部，而且現在的3G上網我覺得很貴……
近日見阿妹買了一部 iPhone4，記得佢部 iPhone3Gs 也不是用了不久……年輕人真的有錢啊。
原來，都唔係好貴……仲有得賺……
初初上台價數百元，那時回收價很高，放番出去賺很多。近日去Apple Store 又入番一部，仲放番部 3Gs 出去，估唔到 3Gs 依然很值錢，總計仍是賺很多……好過炒股票。
聽講大陸同東南亞對 iphone 香港行貨仍有需求。
聽講阿妹有同事入左10部番來……
想起來，我的手機千二蚊，便宜啊，用了三年多也未壞，我也不打算換。
但到了一朝一日手機壞了，或者我想換手機，這部手機放出去也一文不值，幾年前花的千多元就花了，只是一部係很多人眼中的老土手機。
而追隨潮流，不斷追新型號，買買賣賣，反而不會蝕太多，遇上 iphone 這類，還有賺呢！
突然，覺得自己戇鳩得很！
或者，我真的不適合生於這個時代、這個社會。
念舊、不想浪費、不想製造廢物，這些行為是「美德」吧？有人反對嗎？但偏偏這種人在這個社會就要蝕底。
唔想不勞而鑊，想腳踏實地一分一毫也是自己的努力所賺取，是自己應得的！偏偏，這樣就會蝕大底。
第時教仔，要教個仔生性、長進，就要要教佢炒炒賣賣嗎？
唔算係挨窮，但眼見不少人唔知點樣炒買一番，咁又賺到錢，咁又可以享受更佳的物質生活。說真的，內心不好受。是妒忌吧。
眼見有些人，真係唔知佢做過乜，hea 下 hea 下又可以有權有勢，有錢有面，真係想埋去丙佢一鑊金。
無錯，我係戇鳩仔。
一條不思長進的毒男戇鳩仔deadfatboy在網絡上發up風……
No comments:
Post a Comment