Follow up?

香港鬍鬚曾到台灣，誠品書店訴苦水，說香港的租金太貴，很難在香港發展業務。鬍鬚曾說會積極跟進。

究竟可以怎樣去跟進？跟進些甚麼？我真的很想知道答案。

送塊地皮給誠品？必定會比人屌到阿媽都唔認得。還是要人家去沙頭角邊境開舖？

真係認真跟進得到，比到佢稅務優惠快好，租金優惠也好，咁樣做政府又對得住一班植根香港的書局嗎？

難道香港的書局就係為利是圖，不想幫手推廣文化嗎？幾年前星光行有間超大商務，租約問題搬左去美麗華酒店商場，係大左少少，但無咁就腳。近月據聞酒店商場想租比一些較高檔的店舖，於是商務搬左去隔美麗華商場地庫，面積剩番以前的八成左右……

香港應該有誠品？

點解唔係香港應有三中商？香港應有大眾？香港應有天地？……

這些本地書局不能搞到像台灣誠品般，咪又係因為租金貴！

上萬尺的書局，係香港算是超大型了，但在台灣和大陸，這個大小不值一提吧。大部分香港的書局，只是佔商場兩三個舖位，地方超狹小。你想拿起本書讀一會才決定購買麼？除非是在一個較空閒的時段，否則必定會阻住其他人。

面積少，貨就算然唔會多。所賣的都是一些新貨，同埋主流產品。選擇少得多。在其他地方，冷門書籍當然也是小眾市場，但大書局總會有這些書籍出售，拉上補下做得住吧。貨品夠齊亦可提升商店的形像，想搵書自然去果到搵！

莫講話書局，就算是圖書館通道也很狹窄。中央圖書館係大，但其他地區圖書館？書架也是密密麻麻的……

地價、租金高企的問題，政府幾時會醒覺？比班地產商賺到錢，但整個社會究竟犧牲左幾多野？

算啦，一灌香港官腔，吹水唔抹咀。聽過便算了。


PS
突然想起，銅鑼灣的新華書城也結業了。