多麼拉麵

昨日在家中做野 (公司野 @_@ ) ，晚上和朋友去食拉麵，在尖沙咀的，加連威路道轉入的小街 (好像是嘉蘭圍)。六點幾便去到，那時很冷清，但到走的時候便很多人了。三個人，食了一個二人餐 (包兩碗拉麵、沙律、小食、飲品) 再加一碗拉麵，埋單合共 $369。都幾貴，不過非常飽，可能我本身去之前也不是太肚餓吧，很遲才食午飯。店員極力推介麵豉湯底，結果便食了麵湯底的葱拉麵。本身食麵都喜歡多葱，在餐牌上看單叫的價錢，葱拉麵比普通拉麵，就是多了一大堆葱，但貴 $20，便試試看吧。葱香撲鼻，但都係較喜歡中式的葱。

很好奇，如果只得兩人食那二人餐，可以消滅晒那些食物嗎？特別是一男一女拍拖去食的……我想就算是兩個死肥仔去食那二人餐，都會飽到上心口。

在店內的餐牌上，看到原來在荃灣愉景新城也有分店的，但真係無乜印像。無乜留意吧？不過我都很久無去愉景新城吧。

哈哈，無影相呀，無得睇。