病倒了

早前，我的手提電話壞壞地，現在竟然又無事，不過輪到我病倒了。

可能一直都有些問題，星期三晚同你地去食勁熱氣的泰國野，咁就發晒出來，哈哈哈))))

星期四放工後去了看醫生，去到家中附近的一間醫務所，哇，很多人呢！有成六七人在輪候中，都算啦，去登記先。點知姑娘同我講，主診醫生無番，由代診醫生負責，都算吧……跟住姑娘同我講，你現在要等多廿幾個人先到你……下！？估唔到私家診所都咁多人，除了街症，真係未試過等超過十位呢。廿幾人，五分鐘睇一位，都要兩個鐘吧。如果我回家抖抖，就不想再下來吧，但又無理由係到等兩個鐘。去睇另一家吧。
另一家不是連鎖式，醫生也較大，但同樣三日藥，要貴$50。去到，無人，即刻有得睇……

有輕微發燒，但其實現在精神上無乜野，照樣做野也可，本來今日醒來覺得好精神都打算番工，但一落床，唔得了，超累，行步路都怕跌到，結果請了一天病假。

一班同事本來計劃明天去燒烤，有得燒乳豬！看來我也去不成了，就算去到，都不能食燒烤食物吧……

因為我是賤人？賤命一條。去玩先來病。