兔年大吉

先祝大家新年愉快，身體健康，萬事如意，未有拖拍的快D有拖拍，拍緊拖的快D結婚，結左婚的快D生仔，新一年賺多D。

未踏入兔年已經病了。年卅十看了一次醫生，年初三再看一次。

近日真係勁多人病。平日看開的醫生放假，年卅十求其找一間看吧。找了幾間，都很多人，有一間甚至叫我現在登記，四五小時候再來等。行行下見到一家等三四個便有得看，於是便幫襯了。不知那醫生醫術如何，但相信減肥技術一流！門面的照片，醫生是肥仔一名。入到去，竟是一個中等身型的男子。不過我都沒有心情去請教他的減肥法子。

好了一些，還未好晒，又或者係染到其他病啦，初三再看一次，睇番一個平時有睇開的。超多人。九點幾登記，話等三十幾個。十一點再落去等，結果都等到十二點先有得睇。我沒有甚麼咳，也沒有打噴。但四周等待的人都不斷咳呀咳，仲要唔戴口罩，真係頂。

過年睇醫生，加了價。睇了兩次，真係破財。希望快好啦。