豪一豪

星期三，一大班同事去了食自助餐。

大家本來打算去朗豪坊酒店，但後來有同事話口碑不算好，結果去了尖沙咀喜來登。價錢亦由三百頭變成三百尾……

咁大個仔，第一次自己比錢食咁貴，好肉痛呀。

不過食自助餐真係一分錢一分貨 gei，比起百多二百元一頓的，這個豐富很多。但其實我覺得不值三百尾，如果是二百尾，我都覺得抵食 gei。也有食過的同事話差了。不過這個價錢，有部分原因是因為它在尖沙咀吧。

媽媽話黃金海岸較抵食。星期一至五，每天也有不同的信用卡優惠，埋單每位二百多元，但那兒實在不方便。如果第二天不用上班就無所謂 gei。

爸爸一如以往，食了廿幾隻生蠔，真犀利！
冷盤、甜品、刺身也很正！不過熱盆就差了些。
食埋這一餐，短期內也沒有甚麼時間在放工後搞些活動了。

近幾年食自助餐都是和同事去，我地都未試過呢。找日大家也去大吃一頓吧！