派糖

無預過政府會派糖，就算派，幾年來的經驗，發覺最大得益者也不會是市民。
偏遠地區交通津貼？津貼給大欖隧道加價。
幼稚園學券？小型幼稚園結業，大規模的則加價。
注資入MPF？我無得益。最大得益也是保險公司吧，賺蝕都有錢收。
金融海嘯，我之前在mpf賺落的也倒蝕，又做左傻仔聽個代理講轉番保本先，結果回升無我份。每當看見紅色(代表蝕錢)的結算書，真是火上心頭。
送一百蚊慳電膽券？當初聽到都覺奇怪，要搞環保大把野好搞，大把新電器都慳電過舊電器，又安全d，倒不如資助貧窮老弱換新電器更好吧？又或者益下巴士公司，資助佢地換晒新車好過啦，果d舊車的廢氣真係恐怖。結果被揭發懷疑利益輸送。今次傳媒對特首好似鬆過甘乃威喎，唔係應該掉轉嗎？又一次看清傳媒。

買樓，我想這一世人都無乜本事。那個醫生+律師的一對，也供不起樓，或者是誇張了一些。但要搵幾多錢先供得起樓？
我供唔供得起？沒有認真計過。但我一家四口，就算預阿妹第時嫁出去，都無理由預自己孤獨終老吧？自己加埋老婆仔女加埋父母，起碼要預五六個人啦，無理由買兩三百呎掛？預五百呎吧。在天水圍也要一百萬。扣晒所有生活必要開支，勉強都可能得掛。但之後唔駛預自己會有乜娛樂。出街睇戲食飯？免問。旅行？發夢好啦。每個月辛辛苦苦賺來的，除了家用，就是奉獻給李生。仲有，要預家人自己來緊十幾廿年身壯力健。一個唔好彩有乜病，都唔知邊到搵錢來醫。一個唔該失業好幾個月，咁又點算？這個十幾廿年的重膽，我頂得住嗎？
衣食往行，這個「住」，得來不易。
有些人，說甚麼量力而為。無錢買市區，買新界。但這樣看來，莫講是新界，深圳河以北的都無本事買。無錢買樓？租樓lor！
無得著？有無得租衫？
無得食？租野食？？