十年

最近 youtube 一段片，全城熱爆，不知大家有沒有看過？
按我看片
對白如下：
「我唔係無試過，我試過安份守己，日搏夜搏，賺o個一萬幾千。我試過。但出面o個班人，出面o個班人呀，佢地識建築識起樓咩？佢地只係攞少少錢出o黎，攞少少時間，炒起個樓市就不停係到賺大錢，咁叫公平咩？

你出去問下人，是但問一個人，問下佢地需要d乜野，佢地答案好簡單，只係需要一間好普通好普通gei樓。點解佢地要用成世人gei時間去供一層樓呀？因為d有錢佬係到玩野呀，越有錢就越有得玩呀！呢個世界公平咩，呢個世界公平咩！」

片段是節錄自十年前 (1999) 無線電視劇《創世記》，近日在網絡上熱起來。

套用落十年後的今日，依然適用。還有甚麼話好說？好聽的講，香港「安定」吧，難聽的，就是無進步。

當年董伯伯本著惻隱之心，希望安得廣廈千萬家，但既得利益者眼看身家插水，當然同你死過。自此，政府很多事情咪照顧有錢佬。市民？不打緊啦，市民無乜能力令政府倒台，但有錢佬有這個能力，通北京關係良好的更加有這個能力。

大陸高官都識慢慢來。人仔一下急升的話，喪失廉價勞動力這優勢，佢都好唔掂，所以懶理美國佬吠，我有我慢慢升。但慢慢來不等於乜都唔做。

香港現在就係乜都唔做，甚至火上加油。或者咁樣，佢地懂活用慢慢來吧。普選！？慢慢來啦，哈哈哈哈)))))))))))) 2017 後來個 2022......

已發展地區貧富差距最大，這是美譽嗎？
唔駛理。幾百萬小市民，who care??最重要是19個億萬富翁！

在 youtube 重溫了一些創世紀精華片段，又幾好睇。當年我覺得創世紀都幾閹悶，特別係下部《創世記II之天地有情》。人大左，心態唔同？還是精華特別好睇？

不過我想 CCTVB 現在無可能出到這些精警對白。一來自我審查，二來香港越來越多道德塔利班。看 youtube，創世記中有一段出現「頂你個肺」，今時今日，相信無可能出街。

電視劇，越來越與社會脫節。七十二家租客？有無搞公呀。現在乜世紀？當年七十二家房客的成功在反映民生不態。在這個世紀沒有好題材嗎？幹麼要炒冷飯？？或者只當古裝片的延申……晚清、民初……之後咪到六七十年代 lor……