冬天終於來了，今日是今年入冬以來最冷的一天。
一大清早，便聽到阿媽話得 8 度，嗌晒救命。(事關我阿媽昨晚番夜班……)
本來 9 時我便可以起床，但實在太冷，留在被窩很舒服呢，結果 10 時才起床。雖然無聊，但也沒有出街，哈哈……幸好不用上班
不知大家有沒有這感覺，就是天文台的預測越來越不準確了……
七天天氣預測，不準確也算正常吧……
昨天早上出門前，天氣報告話氣溫 11 - 14 度，但放工時，天氣預測夜晚會跌至 9 度，相差太遠吧？
早幾個星期，亦有預測跌破十度，但隨著越接近該日，所預測的溫度亦越來越高……
是不是因為科技進步，天文台所得的數據越來越多，力有不第，預測反而差了？
8 comments:
力有不逮?!
今日既故事..運氣對不幸好似怪怪地..改為幸運對不幸會唔會正常d..btw個男仔應該諗到自己根本唔係個女仔鍾意既人..
理據如下..
個男仔由本來可以遇到自己鍾意既人變為唔可以再遇番個女仔..呢個情況有兩個可能性..
一.遇到自己鍾意既人係個男仔本來既幸運..佢將佢既幸運俾左個女仔..所以就遇唔番自己鍾意既人..如果係咁既話個女仔係接收左個男仔既幸運之後應該會遇到佢鍾意既人..但係個男仔冇再同個女仔相遇..即係話個男仔唔係個女仔鍾意既人..
二.遇唔到自己鍾意既人係個女仔本來既不幸..個男仔承受左個女仔既不幸..所以就遇唔番個女仔..如果係咁既話個女仔本來應該遇唔到自己鍾意既人..但係個男仔係個女仔以前遇到既..即係話個男仔唔係個女仔鍾意既人..
係嘛?!
那個男孩不是想不到,而是想唔通吧.
想得通又點..還是會自欺欺人罷..認定左既野要放手真係談何容易..與其要接受現實..倒不如繼續生活係自己既世界..等一個等極都等唔到既人..或許比重新找尋另一個黎得更易罷..又或者..個男仔相信自己已經將遇到鍾意既人既呢種幸福俾左個女仔..唔相信自己會遇到另一個罷..有聽過呢首歌嗎?
道別了怎可再見
就像這一生再精彩也得一次童年
但是我天真未變
孩子很好騙 為了不死的信念
仍然信 你狡辯 若我聽教你便回來我身邊
明知等不到 亦要等 還好有眼淚來陪襯
反正空虛 沒什甚想發生
難得開心過 讓我等 難得我越捱越振奮
可以等誰願意問 沒有真相才吸引
我勇敢 我膽怯 我不忿
回頭問背後誰著了燈
是我引述不清楚吧？引起咁多爭論……
點先算想通，真是深奧
點都好，很多謝兩位捧場，你們是忠實讀者呢，我越來越懶去寫野。乜都唔想去理……
這是一首我很喜歡的歌曲呢!!
齣戲都好好睇..有冇睇過呀..
豪哥哥咁鍾意睇戲都冇睇過真係可惜!!
我叫你睇《少林足球》，你都無去睇啦……
你仲未知果句係點解！
Post a Comment