團年飯

這篇本來是上星期貼的，一時大意，沒有 publish。

上星期四 (1月12日)，公司食團年飯。其實只是同事們搞， AA 制的。我間公司，看似很傳統，但老闆們是沒有和員工食團飯的習慣呢！反而會有聖誕 Party…雙糧也是聖誕發放，不是農曆新年呢！

這是在公司第3次食團年飯了。三次以來，今次搞得最大，開了兩圍，有間房，仲有少少抽獎，哈哈，我抽中地鐵車票一張。多謝大家姐捐出車票作為禮物 ^^

和去年一樣，今年都是在柴灣昇悅漁港到搞。其中一個原因是平吧，千多元一圍，仲有間房呢。都無乜幾多次會再去那兒飲茶吧？

今 年團年無上兩年咁忙呢。記得去年，要加班，所以近近地在柴灣搞掂。前年則去西灣呢。那時都很忙，臨收工前，媽媽都要去印刷廠對藍紙。記得前年食團年飯那 晚很冷，食完團年飯後，和朋友由西環行出中環，海風吹埋來，很冷，很爽。那段路都有些懷念，那時讀港大，走果陣間中都會行出中環呢。畢業後幾個月再行，另 一番滋味。一路行，一路傾，越行越暖，很高興呢。可惜朋友以後都唔會再和我行吧。都無乜人會同我咁樣行法呢。

趁搬前，找日由柴灣行出來先