無聊

這個聖誕假期，除了狂睇戲睇碟，我做左一件我自己都覺得無聊透的事情。
就係睇左很多攝影 forum 的文章，都幾「有趣」。
以前我較常看這類 forum，主要想看看人家拍的照片。但近年，這類 forum 越來越少照片，主要都是吹水文章，講下買乜相機乜鏡頭，好無聊。
睇下睇下，無聊得來都幾搞笑。可以有人花數萬元(足足是我數個月的人工！)，買了一台頂級相機，然後係 forum 到請教別人，這相機可唔可以用乜乜鏡頭，用左乜乜鏡頭係唔係無這個那個功能，諸如此類。係我眼中，就好似買了一台多功能、又昂貴的微波爐，然後才發覺微波爐是不可用來煲滾水。
又見過一些人，到了聖誕自己買/人地送了甚麼鏡皇機皇，就歡天喜地一番。擁有這個相機這個鏡頭，就好似完成了人生一大目標。
或者我當初買相機，去拍照，並唔係為左這些吧。不過我都好無用，當初的目標今天也未完成。
有時我係到想，好似他們般過活會唔會開心d？
買一個所謂機皇，幾個所謂鏡皇，話多唔多，話少唔少，動軋數萬元(買樓付首期也不夠，應該算是多還是少呢？)。這個數目，不少人在社會工作了一段日子，要拿其實也拿到出來(未必輕鬆，但也算可行)，只是每個人價值觀不同，不是人人願意拿。
如果花了後，我真的會很開心很開心，心靈得到充實滿足，我也想去花。但我知我唔會。
看那些人的文章，寫得如此歡天喜地，究竟實際上他們的開心程度有幾高？
每個人對開心的睇法也不同吧，我也想過得更開心。