執死雞

大家知唔知道，為慶祝北京奧運，七月至九月期間康文署很多設施也免費使用？有同事甚至book 了宿營，據聞住宿不收費，但收取膳食費。

有同事之前 book 了星期四去打乒乓波，於是放工後高高興興去了，但book 場的同事未走得，叫我地去拿場先。

去到拿場，職員說這些免費場是要book場的人親身去拿，打電話比同事，原來該同事又不是用自己的身份證去book，是用另一同事 (佢女友) 的去BOOK，但果個同事又無來打……

職員提議了一個做法，就是排隊等後補執死雞。幸好當時無人排，我地係排後補第一位。

就這樣，我們便後補了自己所 book 的乒乓球室…
我們 book 了兩個鐘…下一個鐘，再去後補多一次…
出奇的，我們還後補了人家的羽毛球場。

其實第一個鐘，我地見個籃球場都無人打，如果我們有八個人，或許可以後補人家的籃球場也說不定……
D人真係衰，見唔駛錢book 左又唔來……
差不多完結那一節，班人才陸續到來，佢地應該book了兩小時吧，第二個鐘見成廿幾人係個場到，看來是團體的籃球集訓。如果我們真的後補了那個場，會比廿幾人兇嗎？

其實是不是必定要親身拿場？6月那次同同事去打，都是由其他同事代拿。比錢的同免費的不同？還是規舉一直如此，只是那時執得無咁緊？

之後 book 場那位同事到來，他說7月1日係另一區都打了一場波，一樣是拿著網上 print 的收條代人拿場，無問題。

定還是免費了幾日，發覺有人濫用，或者炒賣場紙，所以定下新規舉、或者執行得較嚴？？

另外聽同事說，執雞後補一直都有，不過我一直也不知道。原來執雞的是不用付款，因為book場的人已付了款。當開場後10分鐘，也沒有人拿場，職員便接受別人登記執雞，這樣就可開開心心打免費波……不過你可能冒著人家到來後被人怒啤的風險……