Peeing

某天，死肥仔等候升降機期間聽到一個小朋友與媽媽的對話。

小朋友：「媽媽，呢到唔准疴尿尿。」
媽媽：「係呀，尿尿要係厠所到疴架。」
小朋友：「係唔係好多人洩洩係到疴尿尿？個公仔都叫人唔好疴尿尿。」
媽媽：「邊個公仔呀？」
小朋友：「果個呀。」
小朋友一指，指了去升降機附近一個標誌上：


(這是死肥仔憑記憶砌出來的標誌。)

媽媽：「哦，這個公仔唔係叫人唔好疴尿尿呀。你睇下那個正方形，果個係升降機，旁邊有堆火。即係話比人聽火警時唔好坐升降機呀。你要記住呀，火警時坐升降機好危險架，知唔知呀。」

小朋友：「知道啦。」

那個標誌，設計又真係差左D，哈哈哈))))))))
那一男一女，擺明就是男厠和女厠的標誌。驟眼一看而不看旁邊的文字描述，實在不明當中的意思。
小朋友的想像力也真係豐富。
人越大，我越覺想像力越來越低。初生之犢不畏虎？？？

別說甚麼用想像力搞甚麼偉大發明科學發現，多一點想像力，生活也有趣一點吧。

各位想像力豐富的大朋友小朋友，好好保持這份心境！