巴西輸了

好日都唔睇下波，挨眼訓上網睇巴西，結果真是令人失望。我很少睇波，但都講下一些感受吧。

之前很一些精華片段，見到朗拿度回勇了些少，還以為今仗會更加 fit。很多人亦想看巴西一報八年前失掉世界盃之恥吧？

上半場開始的十多分鐘，巴西搶到不少攻勢，還以為很快便會有入球。但逐漸形勢開始扭轉，中場慢慢被法國所控制。半場結速前開始替巴西擔心。結果終於在下半場被法國攻入一球，這比數一直維持到完場。

朗拿度表現實在令人失望。肥騰騰，跑唔郁，又唔去追波。比人輕輕爛截，他都無意卻去過佢，順勢跌低搏罰球便算。好彩球證都無咁易比佢得呈。記得以前睇佢真係好勁，邊有咁易比人 kick 跌，死都要帶住個波，失去平衡 lur lur 下又過了，過埋龍門，一射，入網。真係犀利。朗拿甸奴又係無乜表現，成日都比人夾甩個波。

反觀法國的斯丹真係回勇吧，都仲扭得下，比兩個夾住都不失波，搏得自由球或照過可也。挑起個波凌空控兩下，像踢毽似的，咁又過了。

雖然想巴西贏，但真係抵輸！

另一隊南美勁旅阿根廷亦飲恨於十二碼，四強全是歐洲球隊。德國意大利葡萄牙法國。

看精華片段，個人覺得四隊中德國最好吧。意大利也越踢越好。法國剛擊敗巴西，氣勢如虹，會再次奪冠？葡萄牙就不太睇好，上場和英格蘭也不是表現好吧，贏，是贏在一點幸運吧。冠軍是誰下星期自有分曉。

昨天和同事唱 k 時，唱了球迷奇遇記。咁多年來，最有印象的世界盃歌曲便是這首，順口，亦道出了很多實情吧。

自己第一次對世界盃有概念的一屆，是有阿根廷對巴西的，而且阿根廷贏了，捧盃。想查番係哪一年，但竟然查不到……我想是我記錯了，可能是 1990 年的，那年 16 強阿根廷贏了巴西，但在爭冠軍時，阿根廷以 0:1 敗給西德，西德奪盃。我的記性太差了吧？思緒混亂……