講耶穌

昨天乘地鐵去旺角途中，比個傳教士捉住了講耶穌。就是那類穿著恤衫西褲，打條 tie 的那類呢，有時會是西人，講廣東話很流俐的西人呢？知道是哪類嗎？

平日在街上遇上這類人，我通常 say 聲 hi 然後便衝衝離去。在讀大學時，在校園內也有人向我傳教 (但不是恤衫西褲那一類)，有一兩次很無聊都和佢地傾左一陣。

昨天無辦法，在車箱內被抓住了。哈哈，傾一陣 lor。那人是中國人，看看他胸前的牌子，寫著「x 長老」，長老？這銜頭感覺怪怪的……

那人真係好唔掂，講野口窒窒，看讓子很驚青咁……大佬，我比個陌生人答撩我，不是應該我去驚嗎？最頂唔順就是講神愛世人，主好愛我地架。心想，主點愛我地呀？講就得架啦？若我不斷同我所愛的人講我好愛你架，好愛你架，愛你爱到發晒狂，咁人家係咪會愛我？人家係咪會信我愛佢？

我又同佢講下我對信仰、宗教的睇法。那人又沒甚麼回應，牛頭不答馬咀，只是不斷重覆主好愛世人……大家觀點不同不打緊呀，傾下都得 jei…你就只是不斷重覆你的神愛世人，耍我 jei。於是同佢講大家唔 arm 傾，他便離開了。