放‧逐

看了《放‧逐》。其實都唔算看了，因為我看唔晒，當電影還有十多分鐘便散場時，我便肚子痛……

若果你是鍾意看劇情的話，不用入場了，劇情很簡單。主題就是圍繞兄弟情吧，女觀眾或許會唔明？無錯，男人的友情，有時真係咁幼稚。正如男人不明白女人點解鍾意 Gucci、Prada，哈哈哈)))))))))

何超儀一角，就是表現出女人不明白男人的感情吧？但有一點不明白，他也知道張家輝出去是幹甚麼，為何當初不阻止，到死了才有咁大的反應呢？或許就和我一樣，理智上接受到、知道的事情，感情上真的是接受不了。

算啦，你不是來看劇情，你不是來看劇情，你不是來看劇情……

人生就是如些，充滿著巧合。命裏有時終須有，無啦啦又會接二連三碰上仇家，無啦啦又會冷手拾個熱煎堆，成頓金條送上門。無啦啦為左一個義字又去送羊入虎口。正如我無啦啦，還有十分鐘左右便肚痛看不到結尾。

成套片，都拍得男人很型。大家看到電影海報都覺得很型吧！連肥佬林雪都型了不笑，但都不時爆句笑話出來，很像他一貫的戲路。林雪究竟幾時上位呢？印象中我對佢第一個有印象的電影是暗戰 (事有湊巧，也是杜琪峯執導)，那時他演一個嘍囉，開創標準嘍囉的典範？哈哈))))

最型都係吳震宇，無辦法吧，成班男角入面身型佢最 fit，張耀揚雖然仲 fit，但做得奸角太多，不太討好。係唔現實，但真係超型。四條麻甩佬係公園仔咬住支雪卡等目標；三個大男人係間房到槍戰，無一槍射中，但很有迫力；無晒子彈震宇拿起飛刀扮陸小鳳？槍戰後又展露出柔情一面幫手搬屋……哈哈))))

想想下，覺得拍到男角很像萬寶路的男人，西部 feel？講真食煙這事本身不型，是鏡頭下影到很影吧。鏡頭的威力真係勁！拍男士最型，萬寶路真係數一數二！拍女仔最靚，相信是日本的寫真集、AV 光碟的封面。尤其是 AV 吧，很多時都封面比起內裏的漂亮十倍以上，哈哈哈))))))))))

食煙，你地有人覺得型嗎？坦白說，除了萬寶路那男人以及電影外，我從未見過人食煙是有型的！甚至是討厭，樣衰格又衰！不知有沒有人有這個功力，把一個食魚蛋的男人/女人也拍到很有型有款？

**********************************************************************************
**********************************************************************************

夜晚又去了旺角食飯。朋友未到時，看見板前壽司不用等位呢，還以為可以一試。銅鑼灣的常常迫滿人呢。不過到了個多小時後準備食飯時，便已迫滿人了。哈哈，都想看看甚麼葫蘆賣甚麼藥，為何等咁耐都有咁多人等呢？

之後去了大家樂食火鍋，原以為咁早應無乜人？但原來人人都好似我地咁諗吧，哈哈，結果一間大家樂無位，去了另一間都要搭台呢。大家樂的火鍋越來越貴，如果一個人一鍋真係幾貴，去食任食的好過。兩個人食一鍋，正常情況下都飽的。一個人一鍋就超飽了。

咁又過了快樂的一天 ^^