11月12日至13日，一行十人到曹公潭宿營。
大家上一次宿營是何時呢？想起來，我已是大學的迎生營了。再細想一下，發現每次宿營也和學校有關，例如中學時也參加了幾次班會搞的宿營，但一大班朋友自發搞去宿營，這還是第一次。
說來這次活動有段故，不過算啦，哈哈哈，大家第日要屈志恆食番餐！！！
之前天氣預告是陰天的，結果卻幾好天呢，藍天白雲，實在高興。
來到玩玩各種康樂設施，可能其他營友很多來自同一團體，他們自己有團體活動，因此玩康樂設施也不用輪候很久。射箭我都是第一次，瞄準時的感覺與想像分別很大呢，與 wii sport 相比分別更大，我有一箭射中正正中中的中心呢，哈哈哈，不是技術高超，純粹符碌。
之後無無聊聊鋤下大2，2后確實搞笑，夠膽係佢地幾個面前認2后，哈哈哈，如果當時臭機同鬈毛都係到，結果會更慘烈。我這次輸得少，唔係因為我鋤2勁，係因為我知道你地鋤2功力有幾強悍有幾狼死~~~
夜晚BBQ，環境幾好，食物差勁……那些扒呀雞翼呀又乾又無醃過……
難得有10人，當然要玩下狼人！不過大家想扮後生都唔得啦，玩了一陣，睡魔急 call……
我實在睡得不太好，醒了好幾次，第二日在雲遊似的。
康樂棋有幾耐無玩過？我都唔記得了，重拾童年回憶。我覺得打康樂棋也不算太差啦，但玩桌球我真是差得很。
總括來說我覺得幾好玩呀，不過食物就差D。下次我大家試下其他地方吧 :D
No comments:
Post a Comment