四天假期

一連放了四天假期。

本來打算宿營後放一日休息下，後來寬頻話15號上來裝光纖，於是放多一日。

結果其實不是休息得很多，這兩日也沒有出街，叫做寫意地在家中搞呢搞路啦。

星期一遇上些少阻濟，加上要執野。早前維修寬頻，我問果個師傅第日裝光纖要搞乜，佢話我要搬開個櫃，因為頂住了個插座。

好，執空個櫃今日等師傅上來。

上到來這師傅一看，那個座通唔到光纖，而他又建議了我另一個方案。早知的話，不用花時間執櫃。白廢心機，突然想起沈佳宜的一句：「人生很多事情也是徒勞無功的。」

執空個櫃是小，把那些書本執番上去是大！分類、抹塵，搞下搞下，搞左成個下午……

很多書，我覺得呢一世都唔會再睇，例如量子力學、相對論，不過又唔捨得丟去。

有些書，我想去睇，但太深了，現在很難花太長時間去思考問題。

執下執下，發現一些櫃底的英文小說，甚麼老人與海、長腿叔叔、侏羅紀公園……有一段日子很愛看這些小說，覺得比 ERS 堂的好看得多，可能因為是自已揀唔係比老師迫去睇啦。其實我都睇幾多英文書，不過英文一直都係咁屎……

諗諗下，也不算白廢，起碼分好類，第時找書方便D

想起火星人的一句話，書，留番退左休慢慢睇。哈哈哈，但我怕到時沒有這個腦力去睇。