累透了

由於要趕死線，上星期四、五真係很忙，晚間差不多八點才離開公司。星期五更早上八點幾番到去做野，一早九點臭機打來，講了兩句便收線，實在對不起。但點解之後找不到你呢？無乜事吧？

那兩日放工後，成個人都散晒。暈陀陀咁，但又不是眼訓……成個人都唔知點樣咁，精神很呆滯，回家的路上，腦袋一片空白，甚麼都不想去想，是靠意識 拖著疲累的軀殼回家吧。

星期六，也不是太遲起床呢，好似是十點幾吧。甚麼都不想做，在家中睇下碟，咁樣又過了一個下午。晚上很高興阿花陪我食飯呢 (還是我陪你？哇哈哈哈哈……)，很多謝你 ^^，想找朋友食飯時，又找到，感覺真係好。

在銅鑼灣 Outback 鋸扒。想起去年，一大班人也去了 Outback 鋸扒，好似有我、Patrick、阿花、伯伯、Carrie 和 Jacky。那次好似無咁貴呢，是 Outback 加了價，還是不同地區價錢不同呢？今次在銅鑼灣，餐牌的標價好似比上次去時貴二三十元呢。去年那日，正好是 Harry Potter and the Half Blood Prince 剛出版，食完飯仲去了大眾入貨呢。明知早買實貴，但又想睇，無辦法。最後一集，我諗要下年暑假才出版吧？希望不會見好賣，出埋甚麼前傳後傳的玩意……

所有的疲累，到了今天星期天才發作。昨晚一點幾去訓，今天早上十點起了床，但又好似未訓醒咁…十一點又上床繼續訓，到了一點起床食飯。食飯後去游水，游了廿個直池，大約游了五十分鐘。回家時三點幾。睇下碟，到五點幾又覺得很累，又去訓，七點幾起身食飯。訓左好多咁，好耐無試過一天訓咁多。可能天氣不好都有影響吧？陰陰沉沉的天氣，很討厭。

公司的死線，不只一個，是一連串的……
這星期繼續非人生活