麻甩佬間的友情

昨天乘坐巴士時，聽到身後兩個麻甩佬在高談闊論，突然相起幾年前與臭機乘小巴時的一番對話。

A：「葵芳有乜好行呀？」
B：「葵芳好多野行架」
A：「葵芳近定荃灣近呢？」
B：「當然是葵芳啦，去荃灣還要坐多兩個字。」(死肥仔按：其實是荃灣較近，只是巴士繞路。若以我行路的速度計，行去葵芳地鐵站比行去荃灣地鐵頭要花多兩個字。)
A：「葵芳有無衫褲鞋襪？我昨日係荃灣廣場，睇中了一對鞋呢，一千蚊，都幾貴。」
B：「屌，一千蚊？買馬仔啦。你懂買馬仔嗎？」
A：「唔買啦，拿去買對鞋，舒舒服服，幾好。拿去買馬仔，又輸了對鞋。到時錢又無，鞋又無。」
B：「實中喎，唔中下次再買lor。」
A：「比你買五次先中一次，我都已輸了五對鞋。這次唔中，我再買。唔中，又再買……。到了第五次，輸到怕了，唔去買，即是永遠都是輸。沉迷賭搏，自甘墮落！你都賭少D啦。」
B：「我星期五放假呀，一齊去行山吧？」
A：「點解有假放 Gei？」
B：「佢編到我果日放假咪有假放lor。」
A：「累呀，放假仲去行山？」
B：「唔累架，行山健康D開心D呀。」
A：「你唔夠開心？」
B：「係呀，我唔夠開心，所以去尋下開心。」
A：「早排才有人行山跌死呀。」
B：「我地行大帽山，無事架，唔會跌。」
A：「大帽山？我唔去啦，我以前都住大帽山果頭，成日行。住係錦田那邊，轉來轉去，行到暈陀陀。」
B：「哈哈，轉到暈陀陀。」
A：「你今朝咁早打比我做乜呀？我剛去了打籃球。」
B：「打籃球？哪兒打籃球？」
A：「我家有籃球呀，所以去了荃灣打籃球。你咁早八點幾打比我，去睇戲？」
B：「係呀早場平呀！」
A：「係啦，十蚊，很抵睇！」
B：「十蚊！你就想。三十蚊呀。」
A：「現在睇戲貴了咁多？我記得以前係大光明到睇，十蚊早場任睇！大光明呀，你知道大光明嗎？」
B：「我知，睇咸片那間吧。」
A：「不是呀，那是 XX」
(死肥仔按：我聽不清楚，但估到是邊間。大光明是以前荃灣區一間舊式戲院，即一間戲院內只有一兩個院，但每個院都很大那種。現在以執了，好似變了 Neway。另外荃灣有幾間戲院，由我知道甚麼是咸片的時候開始，那幾間都是只播咸片的。隨著近年碟仔及現在的 BT，專播咸片的戲院已式微吧，荃灣那幾間都好似執了。)
B：「哦。」
A：「現在睇咸片都唔駛入戲院啦。」
B：「係啦，買碟睇好過。」
A：「碟都唔駛買啦，網上睇幾萬隻任睇。三四五六七級乜都有得睇。」
B：「哇，幾萬隻，點睇呀。七級，有乜睇。」
A：「係呀。七級那些甚麼 SM，好鬼核突，睇到作嘔。」
B：「你都唔好睇咁多，睇得多，有諗女人，到時自尋煩惱。」
A：「我也很少看呀。無本事……係喎，你讀書讀到幾年班？」
B：「中四呀。」
A：「仲有無和同學聯絡？」
B：「無呀，失散了…」
……

就這樣，巴士也埋站下車了……
看看他們的模樣，一人是廿多歲，另一人則三十多吧。看來是新結交的朋友吧。

人越大，便覺越難結交交心的朋友。人大了，就是多了點東西。工作間的，可能是利害關係吧。男女間，就多了點私心吧。就算你自己無私，人家也可能覺得你有私。

男性和男性間的感情就是咁簡單。可以暢所欲言的……
異性間可以肝膽相照的，較少。

想起初中時，一天和臭機乘小巴回梨木樹時的情形。哈哈哈哈)))))))))))
你條死仔，電話成日飛去留言訊箱，搞乜野……

各位，大家也好好珍惜！

保重！