飲飲食食星期二

公司一間幫襯開的印刷廠送了一籃精緻的生果籃，未到中秋大家也急不及袋拆了來吃。內裏還有金箔月餅，真是夠貴氣，不過我都無食金箔。其實金箔食入肚中，會消化吸收嗎？還是只會原封不動排出體外？實在太浪費了。那月餅就唔係好得，蛋黃乾巴巴的，一點油水也沒有，純靠金箔做賣點。以前看日本風情畫，還見過金箔魚生、金箔壽司，會使肉質較鮮味？

放工後和幾個中學食飯聚舊。好似我地幾個一齊去食時，多數都係去任食的地方。其實我夜晚那餐食得唔多，但任食無蝕抵，結果又拼了條命不斷食呀食。哈哈哈，臭機都係你唔好，鬼咁大食，所以先去任食。死肥仔無野好賴，係賴你。估唔到會見到 Joyce，你地拍拖都已年幾吧，還是第一次見面。是我太摺吧，另一方面也剛剛撞正剛剛，撞不 arm 時間。感覺和想像中有點不同，是臭機和鬈毛加鹽加醋的結果？哈哈哈)))))))) 點都好，好好對人，祝你地幸福。

大顆兒食到肚子脹卜卜，散散下步來到投注站。頂，大家都沒有中獎~~~
哈哈，於是大伙兒又一人買了一些希望。我只買了一個……

希望，希望越大，失望越大。爸爸說，一個禮拜有三個希望，多麼美好。但我覺得，一個禮拜三次失望，是多麼的殘酷。這遊戲不適合我吧。

昨天早上無聊，又對住個天亂咁影